DƏRİ TÖRƏMƏLƏRİNİN ÇIXARILMASI

Dəri altı törəmələrin çıxarılması və müasir diaqnostika. İnsan orqanizmində müxtəlif dəri altı törəmələrin (xallar, papillomalar, fibromalar və s.) yaranması təbii haldır və yaş artdıqca onların sayı arta bilər. Dəqiq səbəblər tam öyrənilməsə də, müasir tibbi texnologiyalar bu törəmələrin təhlükəsiz və effektiv çıxarılmasına imkan yaradır.

Vacib məqam: Sadə görünən törəmələr belə zamanla təhlükəli ola bilər — bəziləri bədxassəli (xərçəng) ola, digərləri isə iltihablanma, böyümə və ya zədələnməyə meyllidir. Dəridə yeni elementlər əmələ gəldikdə, həkimə vaxtında müraciət etmək və zərurət olduqda törəməni çıxartmaq tövsiyə olunur.

Kani Dəri Klinikada Alman istehsalı FotoFinder cihazı ilə ən son süni intellekt texnologiyası tətbiq edilir. Bu cihaz dərini 140 dəfə böyüdərək ən kiçik dəyişiklikləri belə aydın şəkildə göstərir və bütün potensial riskli xalları, törəmələri və problemləri erkən mərhələdə aşkarlayır.

Bundan əlavə, hər müayinə nəticələri saxlanılır və növbəti ziyarətlərdə müqayisə edilir. Bu, dəriyə daim nəzarət etməyə, vaxtında tədbir görməyə və xəstəliklərin inkişafının qarşısını almağa imkan verir.