Sızanaq

Sızanaq nədir?

Sızanaq (akne) — adətən yeniyetməlik dövründə rast gəlinən, piy vəzilərinin xəstəliyidir. Sızanağa dəri yağlılığının artması, komedonların (qara nöqtələr və ağ elementlər) yaranması və əsasən üz, baş dərisi, sinə və kürəkdə səpgilər xasdır.

Yaranma səbəbləri

Əsas səbəb — hormonal dəyişikliklər, xüsusilə yeniyetməlikdə, bədəndə androgenlərin artması ilə dəri yağlılığının yüksəlməsi. Propionibacterium acnes adlı bakteriya da iltihab və səpgilərin yaranmasına səbəb olur.

Sızanaq yoluxucudur?

Xeyr, sızanaq yoluxucu deyil. Lakin genetik faktor vacibdir: irsi meyllilik səbəbindən bəzi insanlarda piy vəziləri hormonlara həssas olur və sızanaq yaranır.

Müalicə standartları

Kani Dəri Klinikada sızanaq beynəlxalq protokollara uyğun olaraq müalicə olunur: dəqiq diaqnostika, mərhələnin və formasının müəyyən olunması, müntəzəm nəzarət və fərdi müalicə. Bu yanaşma sürətli və davamlı nəticə verir.

Digər faktorlar və yanaşı xəstəliklər

Hormonal pozuntular (qadınlarda polikistoz, menstruasiya pozuntuları və s.), kişilərdə isə fiziki aktivlik və testosteron səviyyəsinin artması sızanağın şiddətini artırır.

Tövsiyələr

Müalicə zamanı düzgün kosmetika seçmək vacibdir. Yağlı teksturalı kosmetik vasitələr sızanağı ağırlaşdıra bilər. Yalnız qeyri-komedogen məhsullardan istifadə edin və dermatoloqla məsləhətləşin.